Fifaliana ny amin’ i Jerosalema sy fangatahan-tsoa ho azy
1 Fihirana fiakarana. Nataon’ i Davida. Faly aho, raha hoy izy ireo tamiko: Andeha isika ho any an-tranon’ i Jehovah.
2 Ny tongotray efa mijoro Eo anatin’ ny vavahadinao, ry Jerosalema ô,
3 Dia hianao ry Jerosalema, izay efa vita Tahaka ny tanàna efa voalamina tsara;
4 Any no iakaran’ ny firenena, Dia ireo firenen’ i Jehovah. Mba hisaotra ny anaran’ i Jehovah.
5 Fa any no misy seza fitsarana mipetraka, Dia ny seza fiandrianan’ ny mpianakavin’ i Davida.
6 Mangataha fiadanana ho an’ i Jerosalema; Hambinina anie izay tia anao;
7 Fiadanana anie ho ao anatin’ ny mandanao; Fanambinana anie ho ao an-dapanao
8 Noho ny rahalahiko sy ny namako No hanaovako hoe Fiadanana anie ho ao anatinao.
9 Noho ny tranon’ i Jehovah Andriamanitsika Dia hitady izay hahatsara anao aho.
